En colaboración con FORSAGAL
Impartimos o curso de soporte vital básico e manexo do DESA xunto con FORSAGAL, entidade galega especializada en formación sanitaria. Persoal docente acreditado e con ampla experiencia en emerxencias.
Formación en RCP e uso do DESA
Formamos o teu equipo nas túas instalacións. Curso de soporte vital básico e manexo do desfibrilador, bonificable con Fundae.
ou contacta connosco
629 10 69 44
Certificado CE1434·ISO 13485:2016·Fabricado en España·Alta do equipo no Rexistro Público·Formación homologada
Formación impartida en colaboración con FORSAGAL, Formación Sanitaria de Galicia.
Ter un desfibrilador é o primeiro paso; saber actuar nos primeiros minutos dunha parada cardíaca é o que salva vidas. Por iso formamos as persoas que van estar xunto ao equipo, da man de FORSAGAL: unha asociación dedicada á formación en soporte vital, con docentes do ámbito sanitario e material de simulación actualizado.
Segundo as recomendacións do ERC
Curso presencial de 4,5 horas que segue as recomendacións do Consello Europeo de Resucitación (ERC), cunha parte teórica e prácticas de reanimación e desfibrilación sobre casos simulados.
Nas túas instalacións
Desprazámonos ao teu centro con todo o material para impartir a formación; así, o teu equipo practica no mesmo espazo onde está instalado o desfibrilador.
Bonificable con Fundae
Xestionamos os créditos da Fundación Estatal para a Formación no Emprego (Fundae): se a túa empresa conta con crédito suficiente, a formación pode ser completamente gratuíta.
O CURSO
Soporte vital básico e manexo do DESA
Pensado para calquera persoa que poida ser a primeira en atender unha emerxencia: persoal de empresas e centros, adestradores deportivos, socorristas, vixilantes de seguridade, voluntariado ou corpos de seguridade. Ao rematar, cada participante será capaz de:
- Iniciar a cadea de supervivencia, incluída unha interacción axeitada co sistema de emerxencias.
- Recoñecer rapidamente unha parada cardiorrespiratoria.
- Aplicar as técnicas de apertura da vía aérea, incluídas as manobras iniciais ante a obstrución por un corpo estraño (OVACE).
- Realizar unha reanimación cardiopulmonar de alta calidade.
- Utilizar o desfibrilador de maneira eficaz e segura.
O temario percorre a cadea de supervivencia e a importancia da desfibrilación precoz, os algoritmos de soporte vital básico e OVACE, e o funcionamento do desfibrilador semiautomático. Remata cunha avaliación teórica tipo test e unha práctica na que se simula unha parada cardiorrespiratoria. Ao rematar a formación, o alumnado recibirá unha certificación individual avalada por instrutores pertencentes ao Consello Español de Resucitación Cardiopulmonar (CERCP).
A NOSA GAMA
A nosa gama de desfibriladores
Desfibrilador semiautomático
Reanibex 100
Desfibrilador semiautomático pensado para que calquera persoa poida actuar e salvar unha vida. A opción ideal para centros deportivos, centros educativos, residencias e calquera outra instalación comercial ou empresarial.
- Sen cargos adicionais polo mantemento anual, que pode realizar o propio cliente
- Material funxible con máis de 2 anos de caducidade
- Equipo con desfibrilación ultrarrápida grazas ao seu sistema de precarga
- Eléctrodos compatibles para uso adulto-pediátrico
- Único equipo do mercado con opción de idioma en galego
Axudámoste a escoller?
Facemos un estudo gratuíto do teu espazo e recomendámosche o equipo e a localización óptima. Tamén dispoñemos de desfibriladores para contornos hospitalarios.
Ver a nosa gamaEmerxencias e hospitalario
DESA Emerxencias
Reanibex 300
Semiautomático ou manual, equipo robusto para servizos de emerxencias e primeiros intervenientes.
Ver ficha do produto
Monitor-desfibrilador SVA
Reanibex 500
Monitor desfibrilador multiparamétrico ultracompacto para soporte vital avanzado nos servizos de urxencias extrahospitalarias.
Ver ficha do produto
Monitor-desfibrilador portátil
Reanibex 700
Monitor desfibrilador multiparamétrico de última xeración, ideal para servizos hospitalarios e atención primaria.
Ver ficha do produto
Monitor Desfibrilador Avanzado
Reanibex 800
Monitor desfibrilador multiparamétrico. O máis completo, con configuración avanzada para calquera necesidade e opcións de configuración.
Ver ficha do produtoTODO INCLUÍDO
A tranquilidade completa.
Todo o que necesitas para cumprir a normativa, nun plan adaptado.
Desfibrilador
Equipo de última xeración con garantía de por vida, sinalización e vitrina con alarma.
Formación homologada
SVB e uso do DESA con certificado oficial, impartida por persoal sanitario en activo.
Instalación
Instalación e configuración do equipo no momento da entrega. Listo para usar.
Servizo posvenda integral
Mantemento preventivo e posterior ao uso: batería, eléctrodos e autodiagnóstico.
Alta no rexistro público
Tramitamos a alta na Consellería de Sanidade. Cero burocracia para ti.
Soporte 24/7
Asistencia telefónica e presencial para manter os teus equipos sempre operativos.
Preguntas frecuentes sobre a formación
Quen pode facer o curso?
Calquera persoa, sen coñecementos previos. Está pensado para quen pode ser o primeiro en actuar ante unha emerxencia: persoal de empresas e comercios, profesorado, adestradores, socorristas, persoal de seguridade ou voluntariado.
Canto dura a formación?
O curso de soporte vital básico e manexo do DESA é presencial e dura 4,5 horas, entre teoría, prácticas e avaliación final.
Como se avalía?
Cunha proba teórica tipo test, na que hai que acertar polo menos o 75 % das preguntas, e unha avaliación práctica na que se simula unha parada cardiorrespiratoria.
Canto custa a formación?
Depende de cantas persoas haxa que formar. Cóntanos o teu caso e enviámosche un orzamento sen compromiso; se a túa empresa ten crédito de Fundae, a formación pode saírche gratis.
Se teño unha empresa, podo bonificar a formación?
Xestionamos créditos da Fundación Estatal para a Formación no Emprego (Fundae), de modo que, se se conta con crédito suficiente, a formación pode ser completamente gratuíta.
Canto se tarda en instalalo?
Habitualmente instalamos en menos dunha semana desde a aceptación do orzamento, e en casos urxentes deixamos espazos operativos en 24 horas.
Os desfibriladores caducan?
O equipo non, pero os eléctrodos e a batería si teñen data de caducidade. Por iso o mantemento non é opcional: un desfibrilador con consumibles caducados non serve de nada nunha emerxencia.